monumenta.ch > Beda Venerabilis > 25 > 4 > 31 > 6 > 7 > sectio 4

Word Selection for Searching

Report an Error in this Sectio
Beda Venerabilis, De Arte Metrica, 14, 4
Item Paulinus:

Parietibus novitas latet intus operta vetustas.

Parieti dactylum fecit de proceleusmatico, conglutinatis contra naturam a et r in unam syllabam, i et e in alteram. Item Sedulius disiunctis u et a:

Cuius onus leve est, cuius iuga ferre suave est.

Prosper coniunctis:

Nec Christi exemplo suavior exit odor.

Item Paulinus, divisis u et i iuxta naturam:

Conscia servitii quid gesseris, et cui tandem.

Fortunatus, connexis iuxta licentiam poeticam:

Cui tamen hoc opus est eum virginitatis honore, Ut placeat sponso mens moderata suo.

Item, disiunctis eisdem in alio pronomine, Paulinus:

Cum subito aut illis corda hostibus, aut huic ora.

Prosper, conglutinatis:

Huic homo, si recte famulatur, proximus haeret.

Maro, e et i coniunctis:

Tityre, pascentes a flumine reice capellas.

Item alibi seiunctis iuxta naturam:

Reice ne maculis infuscet vellera pullis.

Iungit, nisi fallor, et Paulinus easdem, ubi ait:

Ast alii pictis accendunt lumina cereis.

Nisi forte dactylum in ultima versus regione contra morem posuisse dicendus est.